מִזְמור לְדָוִד. ה' רעִי לא אֶחְסָר:
בִּנְאות דֶּשֶׁא יַרְבִּיצֵנִי. עַל מֵי מְנֻחות יְנַהֲלֵנִי:
נַפְשִׁי יְשׁובֵב. יַנְחֵנִי בְמַעְגְּלֵי צֶדֶק לְמַעַן שְׁמו:
גַּם כִּי אֵלֵךְ בְּגֵיא צַלְמָוֶת לא אִירָא רָע כִּי אַתָּה עִמָּדִי. שִׁבְטְךָ וּמִשְׁעַנְתֶּךָ הֵמָּה יְנַחֲמֻנִי:
תַּעֲרךְ לְפָנַי שֻׁלְחָן נֶגֶד צורְרָי. דִּשַּׁנְתָּ בַשֶּׁמֶן ראשִׁי כּוסִי רְוָיָה:
אַךְ טוב וָחֶסֶד יִרְדְּפוּנִי כָּל יְמֵי חַיָּי. וְשַׁבְתִּי בְּבֵית ה' לְארֶךְ יָמִים:
אִם תָּשִׁיב מִשַּׁבָּת רַגְלֶךָ, עֲשׂות חֲפָצֶךָ בְּיום קָדְשִׁי. וְקָרָאתָ לַשַּׁבָּת ענֶג לִקְדושׁ ה' מְכֻבָּד. וְכִבַּדְתּו מֵעֲשׂות דְּרָכֶיךָ, מִמְּצוא חֶפְצְךָ וְדַבֵּר דָּבָר:
אָז תִּתְעַנַּג עַל ה' וְהִרְכַּבְתִּיךָ עַל בָּמֳתֵי אָרֶץ. וְהַאֲכַלְתִּיךָ נַחֲלַת יַעֲקב אָבִיךָ כִּי פִּי ה' דִּבֵּר:
וְשָׁמְרוּ בְנֵי יִשְׂרָאֵל אֶת הַשַּׁבָּת. לַעֲשׂות אֶת הַשַּׁבָּת לְדרתָם בְּרִית עולָם:
בֵּינִי וּבֵין בְּנֵי יִשְׂרָאֵל אות הִיא לְעלָם. כִּי שֵׁשֶׁת יָמִים עָשָׂה ה' אֶת הַשָּׁמַיִם וְאֶת הָאָרֶץ,
וּבַיּום הַשְּׁבִיעִי שָׁבַת וַיִּנָּפַשׁ. עַל כֵּן בֵּרַךְ ה' אֶת יום הַשַּׁבָּת וַיְקַדְּשֵׁהוּ:
סַבְרִי מָרָנָן:
ועונים - לְחַיִּים:
בָּרוּךְ אַתָּה ה', אֱלהֵינוּ מֶלֶךְ הָעולָם, בּורֵא פְּרִי הַגֶּפֶן: